شو يعني لو جربت كل شي بالحياة و ما زبط معك شي ؟
شو يعني لو دقيت كل ابواب احلامك و ما فتح ولا باب ؟
شو يعني استنيت كثييير و ما اجاش الي بتستناه ؟
شو يعني لو دعيت ربنا كثيييير و ما صار الي بتتمناه ؟
شو يعني لو زرعت الخييير و ما لقيت الا شر ؟
و شو يعني انك وفيت و لقيت خيانة ؟
شو يعني انك سعيت لاهدافك بس ما تحقق شي ؟
شو يعني جد شو يعني ؟
مش يمكن انه الي بتجربه مش خير الك ؟
مش يمكن الحلم الي حلمته مش مثل ماانت متخيل ؟
مش يمكن الي بتستناه مش لازم تستناه ؟
او يمكن بستحق الانتظار اكثر ؟
مش يمكن ربنا بحب يسمع صوتك وانت بتدعيله ؟
أو يمكن عندك ذنب بمنع عنك الشي الي بتدعي عشانه ؟
مش يمكن الخير الي بتزرعه بأرض غير أرضه ؟
أو يمكن ربنا بحتفظ فيه ليعوضك اياه بمكان غير المكان هذا ؟
مش يمكن الوفاء الي وفيته كان لناس ما بتستاهله ؟
او يمكن هذا اصلك و تربايتك والواجب المحتوم عليك و هذاك اصله و تربايته الي خلته يخونك ؟
مش يمكن الاهداف الي سعيتها ماكانت خير الك ؟
او انك كنت تسعى بطريقة غلط وصار لازم تغير اسلوب سعيك ؟
ليش نيأس ؟ ليش نمل ؟
ليش توقف حياتنا ع اشخاص او احلام او اهداف كان من الباب الاولى النا انه نختارها بطريقة غير و طريقة احسن و نفكر فيهم بأسلوب غير الاسلوب الي بنفكر فيه ,
ع فكرة القمر حلو و هو بعيد , البعد خلاه حلو و خلاه اكثر جاذبية ,
بس بالحقيقة هو تراب وصخور و ما عليهوش حياة تخيلو مكان ما بنقدر نزرع فيه ياسمين ؟!!
و الحلم و الناس و الاشياء مثل القمر دايماً من بعيد بتكون حلوة بس لما نقرب منها بتكون بدون حياة و ما بستحق كل التعب و الامل الي تأملناه فيهم ,
دايماً الحرمان بخلي الاشياء حلوة فما يغركم حلاوتهم همه هييييك
لانهم بالبعد احلى ,
لانهم بالبعد اغلى
,فتش حولييييك رح تلاقي اشياء جنبك اكثر جمال منهم
و اكثر حلا منهم و رح تلاقيهم همه حلمك و همه املك و همه الياسمينة الي كانت تفوح ريحتها بعد كل يأس و ألم ....
|عبث محمد خصاونه|
تعليقات
إرسال تعليق