الجمعة، 31 أكتوبر 2014
الأربعاء، 29 أكتوبر 2014
بكرة
رح تفرج و اذا مش بكره الي بعده اكيد .
و اذا مش بعده شو نعمل ؟! نيأس ؟!
نحط ايدنا ع خدنا و نقعد نندب حظنا ؟!
طيب فكرت بشي جديد ؟! بحلم ثاني ؟!
بهدف اكبر ؟!
ظلك احلم ما تتوقف و دايماً خلي عندك خطة (ب) ، و (ج) و (د)
مهو صدقني احياناً بتسكر بوجهنا مش عشان احنا فاشلين لا
بتسكر لانه الاشي
الي بنحلمه و بنطلبه بكون مش خير النا حتى لو ظنينا العكس ،
انت اعلم من
ربنا ؟! ربنا ( خير ) و ما بيعطي و ما بيرزق
الا الخير صدقني ،
ربنا بيعطي كل انسان القدر الملائم اله ، بيعطيه الشي
الي بينفعه ،
ليش دايما بنفكر انه مثلا لو كنت مع فلان رح اكون مبسوط ؟!
ليش ما تفكر انه لو فلان رح يبسطك ما كان تركك بالاصل ، صح ؟! طيب ليش
بنفكر انه لو درست هالشي بكون اسعد انسان بالكون ،
و ما بتفكر انك لو درسته
ما رح تنجح فيه و رح تفشل بتحقيق احلامك فيه و ممكن يضرك اكثر ما ينفعك ،
جد ليش بنتذمر من كل شي ؟! ليش بنيأس من كل شي ؟! ليش بنتشائم ؟! ليش بنمل
؟!
و ليش و ليش و ليش ؟!
عمرك صفنت و انت قايم من ركوعك بالصلاة لمعنى (
سمع الله لمن حمد ) ؟!
عمرك صفنت شو يعني ؟! متخيل انه ربنا بسمعك ؟!
اه
بسمعك ، بسمعك انت العبد الضعيف بس بتقول الحمدلله ، تخيل ؟!
ربنا بسمعك
بشكل مباشر و بدون وسيط ،
احمد ربك و ادعي ، احمد ربك و صلي ،
احمد ربك و
طلع كل شي بقلبك ، بس احمده بيقين بمعنى الحمد ،
صدقني ربنا بيسر الخير الك
شو ماكانت ديانتك و شو ماكانت عقيدتك و مين ما كنت ،
ربنا الخير ما بيرزق
الا الخير ، و انا مابحكي عن دين بحكي عن ايمان بروح الله و عظمته ،
بحكي
عن يقين بأنه الاشياء الي بنختارها و ما بتزبط معنا بكون ربنا بعدها عنا
عشان مافيها خير النا ،
|عبث \محمد خصاونه|
#انتقاد :
احنا بنحكي عن الدين ... اكثر ما بنتقيد فيه ... بس المهم نضل نحكي و نبين انه احنا فاهمين دينا صح ... بس افعالنا بتدل على العكس ... بنحكي كثير عن اشياء انه حرام و احنا بنعملها .... اولها انه نضل نفتي و نقيم مقدار تدين البشر ... و لو نرجع للدين ... اولا حرام نفتي بدون معرفه ... و المعرفه بتيجي عن طريق الدراسه و الفهم لامور الدين .... و ثانيا : مش احنا المسؤولين عن محاسبة بعضنا ... بس هيك الواقع و رح يضل هيك للاسف مادام الكل بفتي و الكل بكفر بعض ... :(
الأربعاء، 1 أكتوبر 2014
فعلا حلوة كلمه أنا معك ... كثير حلوة :
انا معك .. جملة من ست حروف بتعني اشياء و اشياء و اشياء ...
ست حروف صح بس كفيله تنسى همك ...
كفيله تكمل دربك الي من لما بلشته كنت وحيد و تستنى حد يكون معك ...
انا معك مش بس ست حروف لا والله هي كل شي و قوة عظيمة جدا...
بتدفعك للست سنين لقدام ...
انا معك مش اشي بسيط مش اشي سهل ...
مااحنا بوقت شعاره العب وحدك تيجي راضي ...
بس انا معك صدقني انا معك ...
مش بالمعيه معك لا انا معك لانه انا بدي اكون معك ..
بوجعك بألمك ، بأرقك و سهرك ، بدموعك بحنينك بشوقك و جنونك ...
انا معك والله معك ..
مش حكي جرايد و مش عبث ...
لا قاصدها و مقصوده الك انا معك ...
قديش في ناس بتحتاجها ؟!
كثيييير و انا منهم و اولهم بس مادامني معك ما بدي حد معي ..
انا معك .. انا معك
تهيأ له صوتها نظر من حوله و لم يجد احداً ...
اكمل دربه وحيداً ...
و قد قيل في احدى نشرات الاخبار انهم وجدوه في احدى الشوارع ميت ..
بها مشتاق ....
|عبث محمد خصاونه|
الاشتراك في:
الرسائل (Atom)